स्पेनमा बसोबास गर्ने कुनै नेपाली नागरिकको राहदानी हराएको वा नष्ट भएको, राहदानीको म्याद सकिएको र तुरुन्तै नेपाल फर्कन आवश्यक भएको कारण जनाई देहायका कागजात संलग्न राखी निवेदन पेश गरेमा राजदूतावासबाट निवेदकको नाममा यात्रा अनुमतिपत्र जारी गरिनेछ ।

यात्रा अनुमतिपत्रको लागि नेपाली नागरिकहरूले निवेदन साथ निम्न कागजात पेश गर्नु पर्नेछ:

1. रितपूर्वक भरिएको दरखास्त फाराम १ प्रति । फारामका लागि यहाँ क्लिक गर्नुहोस्।
2. पुरानोको राहदानी सक्कल र सो को फोटोकपी ।
3. नेपाली नागरिकताको प्रमाणपत्रको सक्कल प्रति र सोको फोटोकपी ।
4. छ महिनाभित्र खिचेको 35 mm x 45 mm आकारको रङ्गीन फोटाहरू तीन प्रति ।
5. यात्रा अनुमति पत्र वापत लाग्ने दस्तूर वैंङ्कबाट पठाएको (Bank transfer) गरेको रसिद ।

नोट:

• यात्रा अनुमति पत्रको म्याद ३ महिनाको हुनेछ ।
• यात्रा अनुमतिपत्रको लागि पेश गरेको निवेदनमा निवेदकले प्रदेशको नाम वा प्रदेश नम्वर र आफ्नो गाँउपालिका वा नगरपालिकाको नाम र वडा नम्वर समेत उल्लेख गर्नुपर्नेछ ।
• यात्रा अनुमतिपत्र वापत लाग्ने दस्तुर ५० युरो रहेको छ ।

जरुरी: कृपया दस्तुर बैंकबाट पठाउंद पहिला दूतावासमा कागजात प्राप्त भएइ सहि भएको एकिन भएपछि मात्र तोकिएको राजस्वको रकम बैंकमा जम्मा हुन अनुरोध छ । थप जानकारी चाहिएमा फोनबाट वा consular@embajadadeneal.es मा सम्पर्क गर्नु हुन अनुरोध छ ।

पुनश्च दूतावासमा नगदमा राजश्व संकलन नहुने भएकाले दूतावासमा बैक कार्ड मार्फत राजश्व भुक्तानी गर्ने वा दूतावासको बैक खातामा जम्मा गर्न सकिने व्यवस्था रहेको छ।

६. राजस्व रकम पठाउने खाताको विवरणः

Name of Beneficiary: Embassy of Nepal, Madrid
Bank: Caixa Bank
Account No.: ES67 2100 2880 7415 0000 8931

*कन्सेपट मा आवेदकको नाम र विवरण खूलाइ उल्लेख गर्नुहो